Maidir le
Féachann ár gclár Oideachas Pobail le deis a thabhairt d’fhoghlaimeoirí a gcuid riachtanas foghlama féin a aithint agus tabhairt faoi fhoghlaim i suíomh neamhfhoirmiúil ina bpobal féin. De ghnáth, eagraítear ranganna Oideachas Pobail gach seachtain agus maireann siad ó shé go hocht seachtaine.
Cuirimid deontais agus maoiniú d’uaireanta teagaisc ar fáil do Ghrúpaí Pobail fud fad Chontaetha na Gaillimhe agus Ros Comáin.
Oibrímid le go leor Grúpaí Pobail, lena n-áirítear Bótháin na bhFear, Grúpaí Ban, Grúpaí Forbartha Pobail, Grúpaí Gníomhaíochta Lucht Scoir, Grúpaí Imirceach, Teifeach agus Iarrthóirí Tearmainn, Grúpaí Daoine faoi Mhíchumas, Grúpaí Taistealaithe, Grúpaí gan Dídean agus Grúpaí Lucht Leispiach, Aerach, Déghnéasach agus Trasinscneach (LADT).
Tá raon leathan cúrsaí ar fáil inár gclár Oideachas Pobail, ina measc:
- Na hEalaíona, Ceardaíocht agus Fótagrafaíocht
- Forbairt Pobail agus Ceannaireacht
- Cócaireacht
- Scileanna Déan Féin É (DFÉ) agus Uaschúrsáil Troscáin
- Garraíodóireacht agus Gairneoireacht
- Gruaig agus Scéimh
- Sláinte agus Folláine
- Aireachas, Pilates agus Ióga
- Forbairt Phearsanta agus Scileanna Cumarsáide
REACH Fund 2025
Tá sé mar aidhm ag Ciste Reach maoiniú a chur ar fáil chun cúnamh a thabhairt d’fhoghlaimeoirí atá faoi mhíbhuntáiste oideachais teacht a bheith acu ar oideachas pobail agus a bheith páirteach ann. Is é is aidhm dó rannpháirtíocht foghlaimeoirí faoi mhíbhuntáiste a mhéadú, go háirithe daoine a thugann faoi chláir litearthachta agus scileanna. Tá an ciste dírithe go mór ar chur le bonneagar digiteach soláthraithe oideachais pobail, lena n-áirítear gairis agus bogearraí a chur ar fáil agus cur lena gcumas an fhoghlaim a chur ar fáil. Tá an ciste leagtha amach go sonrach chun dul i ngleic le héagothromaíochtaí, chun tacú leis an teacht atá ag daoine ar oideachas pobail agus chun aghaidh a thabhairt ar ghníomhaíochtaí sonracha sa Straitéis um Litearthacht d’Aosaigh ar feadh an tSaoil (ALL) chun cistiú a dhíriú ar theacht a bheith ag daoine ar an teicneolaíocht agus ar ghairis, chun cur leis an teacht atá ag an bpobal ar acmhainní Wi-Fi agus leathanbhanda agus chun aghaidh a thabhairt go díreach ar riachtanais litearthachta nach bhfuiltear ag freastal orthu.
Tá na deontais seo maoinithe ag an Roinn Oideachais agus Scileanna.
An Dáta Deiridh a nGlacfar le hIarratas: 11:55pm an 25 Feabhra.